Inicio > De Reflexionibus Reti, De Stultitia in Reti > Analfabetos electrónicos

Analfabetos electrónicos

Non me deixará de indignar nunca o atrevida que é a ignorancia dalgúns usuarios da Rede. Porque o que non me extraña é que haxa esa ignorancia, de feito estamos a meter a millóns de persoas nun novo sistema de comunicación sen a máis mínima preparación sobre os seus códigos. É como se de súpeto tivésemos que compartir as autoestradas con milleiros de condutores noveles e sen carnet ao volante de coches do trinque.

Os problemas xorden cando te atopas nas ciberestradas con algún destes neointernautas (ou non tan neos) e che rifa por ires pola dereita, ou por non o avisar dun troco de sentido malia teres ti marcado correctamente cun intermitente do cal o analfabeto descoñece o significado.

É aí cando o internauta veterán se alporiza e lle ferve a cabeza. Como a estas alturas temos que aturar que alguén nos diga cousas como: «a min non te me atrevas a esmiuzar a miña mensaxe cando ma respondas» ou «é moi maleducado copiares e pegares as miñas frases» cando un emprega o clásico e practiquísimo quoting no e-mail, ou terlle que explicar a un interlocutor que se contesta por riba das mensaxes que responde, vólvese unha tolemia manter unha conversa mediante e-mails sucesivos!!? Ou mesmo ter que recibir unha bronca porque un necio de funcionario non sabe interpretar o emoticono máis sinxelo?

Se é que non deberían vender coches a quen non demostrou saber as normas de circulación! >:-(

  1. 09/03/2009 a las 10:16 am

    A ignorancia dos analfabetos electrónicos non deixa de me sorprender: hoxe chegoume esta mensaxe dun co-listeiro e co-afiliado nunha asociación da que fago parte:

    Agradeceríache que deixases de utilizar todo o tipo de caralladas destas (:-D, ;-), etc.) na Lista […]. Aínda que a ti non cho pareza, denotan unha pronfunda falta de respecto que está a incomodar a moitos compañeiros e compañeiras das […], incluído, abofé, eu mesmo.

    Pídoche isto en mensaxe privada para non cho pedir na Lista […] nin dende a Directiva.

    É o cumio do analfabetismo! Esta mensaxe nun ton de advertencia ou aviso denota que nin o remitente nin eses supostos incomodados teñen a máis mínima idea do que son os emoticonos, para que serven e a súa recomendación dentro do contexto xeral da netiqueta. Manda carallo na Habana!

  2. 09/03/2009 a las 10:24 am

    O mellor é como chama aos emoticonos: «caralladas destas». Penso que habería que incorporalo aos dicionarios de xerga internética ;-P

  3. 09/03/2009 a las 10:25 am

    …e na súa definición: «Emoticono: carallada que denota profunda falta de respecto» X-D

  4. casdeiro
    24/01/2011 a las 9:12 pm

    Aínda hai poucos días que outro internauta me reprochaba ese xeito tan «estraño» de responderme aos correos electrónicos… A túa forma de argumentar é complicada de seguir. Explícome: Desguazar o meu texto para introducir frases… Ou sexa, que me botaba en cara usar o quoting 😀

  1. No trackbacks yet.

Deja una respuesta

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Salir /  Cambiar )

Imagen de Twitter

Estás comentando usando tu cuenta de Twitter. Salir /  Cambiar )

Foto de Facebook

Estás comentando usando tu cuenta de Facebook. Salir /  Cambiar )

Conectando a %s

A %d blogueros les gusta esto: